Link açıqlığı

Saatnıñ esas haberi

Ukrayinada "Qırım ve qırımtatarlarnıñ keçmişi ve bugünü" aqqında onlayn kurs azırlandı


Qırımtatar milliy bayrağı
Qırımtatar milliy bayrağı

Ukrayina institutı EdEra onlayn tasil studiyası ile beraber "Qırım: Tarih ve Adamlar" adlı ücretsiz onlayn kurs azırladı. Bunı Qırım.Aqiqatqa Ukrayina institutınıñ matbuat hızmetinde haber ettiler.

"Bu kursta Qırım yarımadasınıñ keçmişi ve bugünü Ukrayinanıñ tamır qırımtatar halqınıñ prizmasından kösterile. Qırımnıñ medeniyeti ve tarihı yalıñız Ukrayina tarihınıñ ayırılmaz parçası degil, aynı zamanda tamır halqlarnıñ meseleleri, siyasiy, arbiy meseleler köz ögüne alınması ile global tarihnıñ da ayırılmaz qısmıdır", - dep haber ettiler Ukrayina institutında.

Haber etilgeni kibi, onlayn kurs "Qara deñiz bölgesinde küç munasebetleriniñ mürekkepligi ve Qırım ve Qırım Hanlığınıñ qadimiy tarihı aqqında tarif ete".

"Rusiye imperiyasınıñ yarımada ile bağlı müstemlekecilik siyaseti ve qırımtatarlarnıñ 1944 senesi Sovet akimiyeti tarafından mecburen sürgün etilmesi de diqqatsız qalmaycaq. "Qırım: Tarih ve Adamlar" kursu qırımtatarlarnıñ özügün medeniyeti ve olarnıñ vatanlarına qaytmaq aqqı oğrunda uzun mucadelesi aqqında ikâye etecek", - dep haber etile.

Kurs bedavadır. Oqutuv tili ingliz.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG