Ukrayina Devlet hızmeti Milliy agentliginiñ esasında işğalden azat etilgen Qırımda akimiyet organları içün kadrlar azırlav leyhası başlana.
"İyülniñ 3-nden başlap Ukrayina Devlet hızmeti Milliy agentliginiñ esasında Qırımda akimiyet organları içün "Kadrlar ihtiyatı" ya da "Ğayrıdan quruv ihtiyatı" deñev leyamıznıñ işke başlaycağını artıq ilân etmek mümkün. Bu leyha yalıñız devlet hızmetçileri içün degil, işğalden azat etilgen topraqlarğa barıp çalışmağa istegen er kes içün bir leyhadır", - dep bildirdi Prezidentniñ Qırım MC daimiy temsilcisi Tamila Taşeva.
Onıñ sözlerine köre, işğalden azat etilgen qırım içün eñ azından 50 biñ mütehassıs kerek olacaq.
"Elbette, bu bütün qanun qoruyıcı blokudır. Çünki işğal altındaki topraqlarda çalışqan adamlarnıñ eski alına ketirilgen Ukrayina qanun qoruyıcı sistemasında qanun qoruyıcı olaraq çalışıp olamaycaqlarını añlaymız. Bu mahkemeciler, ocalar, tibbiyet hadimleri ve digerleri", - dep qayd etti memur.
Mayısnıñ 11-nde Qırımnıñ reintegratsiyası meselelerinde kadr ihtiyatınıñ azırlanması içün tasil programmalarını taqdim etti.
Aprelniñ başında Ukrayina Nazirler kabineti Qırım ve Aqyar şeeriniñ İşğalden azat etilüvi ve reintegratsiyası Strategiyasınıñ yañı variantını qabul etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
