Ukrayina "Cenüp" operativ komandanlığınıñ spikeri Natalâ Ğumenük gece Qırımğa dronlar ücümi ile bağlı Rusiyeniñ bildirmesini izaatladı. Onıñ sözlerine köre, bu bildirmeler ilk nevbette yarımada sakinleri içündir.
"Mudafaa quvetleri kerçekten er angi bir nişanğa nail olıp olmağanlarını er vaqıt bildireler. Ne deyim, "pamuq" mevsimi devam etecek, Qırım azat etilmegence anda sakin olmaycaq", - dep bildirdi o.
Avgustnıñ 12-ne keçken gecesi Qırımğa dronlar ile ücüm etilgen. Bunı Qırımnıñ Rusiye yolbaşçısınıñ mesleatçısı Oleg Krüçkov bildirdi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
