Kıyivniñ Desnânsk rayon mahkemesi Qırım işğalinden soñ Rusiye mahkeme organına keçken Canköy şeer rayon mahkemesiniñ sabıq mahkemecisini 12 yılğa azatlıqtan marum etti.
Jurnalist Tahqiqatları Merkeziniñ malümatına köre, mahküm etilgen vazifesini 2009 senesinden berli eda etken. Starova Natalya Anatoliyevnadır. 2014 senesi RF prezidentiniñ fermanınen o, Qırım Cumhuriyetiniñ Canköy şeerindeki Rusiye rayon mahkemesi reisiniñ muavini vazifesine tayinlendi.
Mahkeme oña 12 yıl apis cezasını berdi, bütün mal-mülkü ise musadere olmaq kerek.
Ukrayina prezidentiniñ Qırım Muhtar Cumhuriyetindeki temsilcisi Tamila Taşeva bildirdi ki, "Qırımnıñ işğalden azat etilmesinden soñ Ukrayinanıñ esas vazifelerinden biri - yarımadanıñ Rusiye tarafından ilhaq etilmesine yardım etkenlerni tapmaq ve mesüliyetke çekmektir". Onıñ aytqanına köre, insanlıqqa qarşı cinayetler ve arbiy cinayetler yapqanlar, insan aqlarını bozğanlar ve genotsid olaraq tanılğan cinayetlerni yapqanlar mesüliyetke çekilmeli.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
