Ukrayına Beyaz sarayğa prezident Volodımır Zelenskıynıñ general Valeriy Zalujnıynı Ukrayına Silâlı quvetleriniñ baş komandanı vazifesinden işten çıqarmağa qarar berdi, dep bildirdi. Bu aqta fevralniñ 2-nde The Washington Post gazetası meseleden haberdar olğan eki insannıñ malümatına esaslanıp haber etti.
Bu tasdıqlansa, Zelenskıynıñ 2022 senesi fevral ayından Rusiye büyük istilâsı başlağanından berli eñ ciddiy kadr deñişimi olacaq.
Neşir haber etkenine köre, Amerika memurları bu adımğa qoltutmay, amma qarşı da çıqmay, qarar Zelenskıy tarafından qabul etilmeli deyler.
Yanvarniñ 29-nda aqşam media menbalarına esaslanıp, Ukrayına Silâlı quvetleriniñ baş komandanı Valeriy Zalujnıy işten çıqarıla bile, dep bildirdi. Memleketniñ arbiy-siyasiy reberligine yaqın menbanıñ «İnterfaks-Ukraina» agentligine haber etkenine köre, añlaşma Valeriy Zalujnıynıñ Ukrayına prezidenti Volodımır Zelenskıynen körüşkende oldı. Ukrayına prezidentiniñ buyruğı daa yoq.
Ukrayına Mudafaa nazirligi qısqa bir haber berdi: «Ürmetli jurnalistler, er keske cevap beremiz: Yoq, bu doğru değil».
Ukrayına prezidentiniñ spikeri Serğiy Nıkıforov «Ukrayınska Pravda» neşirine izaat berip, prezident Zalujnıynı işten çıqardımı sualine «kesen-kes yoq» dep cevap berdi.
Ukrayınanıñ resmiy akimiyeti prezidentniñ Zalujnıynı işten çıqarğanına dair fermanı yoq dep aytsa da, media cebedeki zor vaziyet ve ğarpnıñ Kyiv içün yardımınıñ eksilüvi ya da keç qaluvı sebebinden prezident ve baş komandan arasında uzun zıddiyetleri bar, dep qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
