"Bugün epimiz içün yahşı bir kün. Rusiye esirliginden 150 qorçalayıcımıznı qaytaramız. Olar askerler, çavuşlar, zabitler. Mariupol ve Zaporojjâ vilâyetinde esir alınğan Arbiy-deñiz quvetleri, Ava quvetleri, Deşat-ücüm ve Quru topraq orduları askerleri, milliy gvardiya, sıñırcılar, teroborono, em de polis hadimleri. Olarnıñ episi cebeniñ farqlı yönelişlerinden kele, amma olarnı umumiy bir şey birleştire: olar Ukrayina içün küreşti", — dep aytıla Zelenskıynıñ telegram kanalında.
Onıñ aytqanına köre, olarnıñ bazıları eki yıldan ziyade esirlikte tutuldı. Bundan da ğayrı, Zelenskıy, esirlerniñ azat etilmesinde yardım etken ortaqlarına, hususan BAE-ne, teşekkür bildirdi.
Rusiye Federatsiyasınıñ Ukrainağa istilâsı başlağanından başlap, 2024 senesi iyül ayına qadar 3405 insan Rusiye esirliginden qaytarıldı. Bundan soñ bir qaç deñişüv oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.