"Bugün evge, Ukrayinağa, daa 25 adamımız qayta. Bu bizim arbiylerimiz ve vatandaşlarımızdır. Olarnıñ arasında Mariupol ve "Azovstal" qorçalayıcıları, em de bizim Harkiv, Donetsk, Zaporojjâ, Herson vilâyetlerimizniñ qorçalayıcıları bar. Ballarnıñ ağır yaralanmaları ve hastalıqları bar. Er biri kerekli tibbiy yardım alacaq", — dep aytıla Ukrayina devletiniñ yolbaşçısınıñ beyanatında.
Zelenskıy, deñişim Birleşken Arap Emirlikleriniñ yardımı ile yapıldı, dep qoştı.
Rusiye mudafaa nazirligi de 25 25-ke formulası ile deñiştirüvni tasdıqladı.
Rusiye arbiyleri şimdi Belarus toprağında buluna. Olar Rusiyege tedaviylev ve reabilitatsiya içün arbiy tibbiy müessiselerge ketirilecek, dep aytıla müessise haberinde.
Bundan evelki deñişüv 2024 senesi dekabrniñ 30-nda olıp keçti. O vaqıt Ukrayinağa 189 vatandaş qayttı, olarnıñ arasında vatandaş esirleri de bar edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
