Ukrayinağa yanvarniñ 29-nda, Rusiye tarafınıñ malümatına köre, Ukrayina imayecilerine ait biñ naaş qaytarıldı, dep bildirdi Ukrayinanıñ Cenk esirlerine munasebet koordinatsion ştabı.
"Uquq qoruyıcı organlarınıñ tahqiqatçıları Ukrayina ekspert müessiselerinen beraber qaytarılğan cesetlerniñ kimliklerini ögrenmek içün kerekli tedbirler yapacaq", – dep aytıla haberde.
Rusiye kütleviy haber vastalarınıñ malümatına köre, Rusiyege 38 arbiyniñ cesedi teslim etildi.
2025 senesi yaza Ukrayina İç işler naziri İğor Klımenko Rusiye Ukrayinağa ukrayinalılarnen qarışqan Rusiye arbiyleriniñ cesedlerini berdi, dep bildirgen edi. İç işler nazirligi bu arbiylerniñ adları belli oldı, dep qayd etti.
İyun ayında İstanbul añlaşmalarına köre keçirilgen tedbirlerniñ soñki basamağı oldı, umumen Ukrayina 6057 naaş aldı. Bundan soñ ekspertizalar keçirildi ve qaytarılğan naaşlarnıñ kimlikleri belli oldı.
Ukrayinada 70 biñden ziyade insan ğayıp olğan sayıla. Bu raqamnı 2025 senesi iyün ayında hususiy allarda ğayıp olğan şahıslar vekâletlisi Artur Dobroserdov aydınlatqan edi. Onıñ aytqanına köre, bir çoqunıñ taqdiri cenk bitkende ya da faal uruşları bitkende ögrenile bilecek.