''Daa 100 ukrainalı evlerinde, Ukrainada. Milliy gvardiya, sıñırcılar, USQ. Çoqusı Mariupolniñ qoruyıcılarıdır. Episi bizimki, episi kene tuvğan toprağında. Er birisini qaytarmaq içün çalışamız ve er kesni qaytarmağanımızğa qadar toqtamaycaqmız! Deñişüvlernen oğraşqan taqımımız, memleketimizge kerek olğan neticeler içün teşekkürler!'' - dep yazdı Zelenskıy.
Bir qaç saat evelsi bu aqta Rusiye Mudafaa nazirligi bildirdi, ve ''yüz yüzge'' formatındaki deñişüv muzakere esnasınıñ neticeleri esasında yapılğanını qayd etti.
207 ukrayinalı qaytqan soñki esir deñişimi keçken afta, yanvarniñ 31-nde olıp keçti.
''Azov'' mahsus brigadasınıñ komandanı Denis Prokopenko, Mariupolni mudafaa etken 900-den ziyade ''azovlar'' esirlikte qalğanını ve bu brigadanıñ askerleri deñişüv cedvellerine kirmegenini qayd etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
