Ukrayina ğayrıdan tiklev nazirligi Poloniya infraterkip nazirliginiñ yañı reberligi ile sıñırnıñ qapatılmasını toqtatmaq içün areketler planını tizdi.
Ukrayina Cemiyetler, topraqlar ve infraterkip inkişafı nazirliginiñ matbuat hızmeti bildirgeni kibi, dekabrniñ 22-nde memleketlerniñ infraterkip nazirleriniñ muavinleri körüşti.
''Körüşüvniñ esas neticesi - sıñırnıñ qapatıluvı içün umumiy fikirniñ uyğunlaştırılması. Taraflar uzlaşuvlarnı ve olarnıñ amelge keçirilmesini añladılar. Nevbetteki basamaq - Poloniyanıñ İnfraterkip nazirligi ve narazılıq bildirgenler arasında muzakereler'', - dep aytıla haberde.
Ukrayina nazirliginde qayd eteler ki, Yük taşımalarınıñ liberalleştirilüvi aqqında añlaşmanıñ deñişmeleri meselesi muzakere etilmey.
Noyabrniñ 6-ndan başlap Poloniya taşıyıcıları ukrayin aydavcılarınıñ ruhsetlerini qaytarmaq ve poloniyalı maşinalarnı elektron nevbetten çıqarmaq talabınen Poloniya-Ukrayina sıñırındaki keçiş noqtalarında yük maşinalarınıñ areketini blok ettiler. Olar Ukrayina territoriyasından boş poloniyalı yük maşinalarını çıqarmağa talap ettiler.
Ukrayina akimiyeti, Poloniya tarafınıñ areketleri sebebinden iqtisadiyat büyük zarar kördi, dep bildirdi. Poloniya, qorçalamaq kerek olğan öz iqtisadiy menfaatları bar, dep ayta.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
