Ukrayina ve ABD taqımları işini yañıdan başladı, dep bildirdi Ukrayina prezidenti Volodımır Zelenskıy martnıñ 6-nda Avropa Şurasınıñ toplaşuvında.
"Kelecek afta müim körüşüvni bekleymiz", — dep qayd etti devlet yolbaşçısı.
Onıñ qayd etkenine köre, Ukrayina cenkniñ birinci daqqasından berli barışıqqa ıntıla, cenkniñ devam etmesiniñ yekâne sebebi de Rusiyedir.
"Ukrayina barışıq içün kerekli adımlar atmaqtan ğayrı, kerek olmaq arekerlerni de teklif ete. Ve sizden bizge — Ukrayinağa ve barışıq yolunı açmağa yardım etken Avropa liderlerine qol tutmaqnı rica etem", — dep ayttı Zelenskıy.отменено.
Kiçik aynıñ 28-nde Zelenskıy Beyaz evde Trump ile körüşti. Taraflar Ukrayina faydalı qazıntılarınıñ qullanuvı aqqında añlaşmanı imzalamaqnı planlaştıra ediler, amma jurnalistler ögünde protokolda dava çıqqan soñ Zelenskıy Beyaz evni müddetinden evel terk etti, añlaşmanıñ imzalanması ise lâğu etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
