Link açıqlığı

Saatnıñ esas haberi

Ukrayina UNESCO-nı Qırımdaki Hansaraynı qorumağa çağırdı


Bağçasaraydaki Hansaray, nümüneviy resim
Bağçasaraydaki Hansaray, nümüneviy resim

Rusiye işğalcileri Bağçasaraydaki Hansaraynıñ bir qısmı olğan Qırım Geray Hannıñ Altın odasını yoq ettiler. Bunıñ aqqında Ukrayina prezidentiniñ Qırım MC-deki daimiy temsilciliginiñ matbuat hızmetinde haber ettiler.

İdarege malüm olğanı kibi, işçiler UNESCO Dünya mirası cedveline kirsetilgen abideniñ damını ve vitrajlarını sökkenler.

"Tamır qırımtatar halqınıñ mimarlığınıñ diqqatqa lâyıq yerini tarihiy alemetleri olğan yañı obyektke çevireler. Bu işğalcilerniñ diger halqlarnıñ tarihiy abidelerini yoq etmek ile beraber Rusiye kimligi tışında Qırımdaki er angi bir kimlikni yoq etmek qvrayışına tam olaraq uya. İşğalciler Qırımda yalıñız Rusiyege beñzegeni ya da Rusiyeni tasdıqlağanı qalması içün içün mümkün olğan er şeyni yapmağa tırışalar", - dep yazıla bildirmede.

Prezidentniñ Qırım MC-deki temsilciligi ofisinde qırımdaki işğal akimiyetni abideniñ "yoq etilmesini" toqtatmağa ve dünya toplulığını Rusiyege qarşı tazyıqnı arttırmağa çağıralar.

"İşğalciler Bağçasaraydaki Hansarynı yoq eteler. Biz bir daa UNESCO-nıñ diqqatını onıñ daimiy azasınıñ printsiplerine ve areketlerine celp etemiz", - dep yazdı Ukrayina Medeniyet naziri O leksandr Tkaçenko.

Qırım işğalinden soñ Rusiye Qırımda medeniy ve tarihiy emiyeti olğan bütün obyektlerni öz yurisdiktsiyası altına aldı. Kıyiv, olar Ukrayina halqına ait olğanını israr etip, mezkür obyektlerni UNESCO imayesi altına almağa rica ete.

UNESCO Dünya mirası cedveline işğal altındaki Qırımnıñ «Tavrik Hersones» qoruğı kirmekte. Cedvelge kirsetilecek namzetler arasında Bağçasaraydaki Hanlar sarayı, Sudaqtaki Ceneviz qalesi, Qırım astrofizik observatoriyası, Manğup Qale, Eski Kermen ve Çufut Qale bar.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG