«Ava uruşı neticesinde Kiyv, Hmelnıtsk, Vinnıtsâ, Mıkolayıv, Herson, Harkiv ve Çerkası vilâyetlerinde duşmannıñ bütün uçucısızları urıp tüşürildi», – dep aytıla haberde.
Mıkolayıv vilâyeti arbiy memuriyetiniñ yolbaşçısı Vitaliy Kim bildirgenine köre, gece ava mudafaa quvetleri ve vastaları vilâyette 14 Shahed 131/136 uçucısızını yoq etti. Parça tüşmesi neticesinde quru otta eki yanğın çıqtı, birden söndürildi.
Hmelnıtsk vilâyetinde ava mudafaa quvetleri dört «şahedni» tesirsiz alğa ketirdi. Tüşken parçalar vilâyetniñ sanayı müessiselerinden birine zarar ketirdi. Yaralanğanlar yoq, dep haber etti Hmelnıtsk vilâyeti arbiy memuriyetiniñ yolbaşçısı Serğiy Türın.
Rusiye arbiyleri Ukrayina regionlarına çeşit silâlardan muntazam surette ücüm ete. Delil ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümlerni red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayeti olaraq tasnif etip, belli maqsadları bar, dep qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
