Sentâbrniñ 30-nda Ukrayina energetika infrastrukturası obyektlerine yapılğan Rusiye darbesi qıştan evel Ukrayina energetika telükesizligini bozmaq ve memleketni teslim olmasına zorlamaq içün yapılğan Rusiye kampaniyasınıñ başlanğıçı ola, dep yaza Amerika Cenkni tedqiq etüv institutı (ISW) öz esabatında.
"Meraqlısı şu ki, Rusiye prezidenti Vladimir Putin yaqında Ukrayinanı qışta teslim olmağa zorlamaq maqsadınen uzaq mesafeli darbelernen bağlı Rusiye kampaniyasına esaslanğan ğalebe nazariyesini qabul etkendir dep, Rusiye Ukrayinada qızdıruv mevsimi arfesinde Ukrayina infrastrukturasına qarşı 2026-2027 seneleri qış kampaniyasını başlattı", – dep aytıla esabatta.
ISW qayd etkenine köre, 2026 senesi Ukrayinanıñ cenk meydanındaki muvafaqiyetleri Putinni "ğalebe nazariyesine" ğayrıdan qıymet kesmege meyecbur etip, Kyivni Rusiyeniñ Ukrayina şeerlerine darbe kampaniyası yardımınen teslim olmağa mecbur etmek içün ğayret köstermege zorlağandır.
"Memleket energetika hattını yeterli qadar qorçalap olğanına qadar ve Rusiye ballistika raketaları ve reaktiv uçucısızlarına qarşı küreş tedbirlerini azırlağanına qadar ukrayinanıñ energetika infrastrukturasına sistematik darbe kampaniyasını başlatadır", – dep qayd ete ISW.
Talilciler Putin Ukrayina ealisiniñ ahlâqiy ruhunı bozmağa ve Ukrayina ve Amerika ortaqları azırlağan ciddiy barışıq muzakereleri başlamazdan evel Ukrayinanı teslim olmağa mecbur etmege tırışa, dep qoştı.
Ukrayina prezidenti Volodımır Zelenskıy sentâbrniñ 30-nda Rusiye darbesiniñ esas nişanı Kyiv ve Kyiv vilâyetiniñ energetikası oldı.
Baş nazir Serğiy Köretskıy sentâbrniñ 30-na keçer gecesi raketa ve dronlar Kyiv, vilâyeti ve diger regionlarda energetika obyektlerine ücüm etti, dep qoştı.
"Yazdan başlap duşman energetika infrastrukturasına ücüm etmegen bir kün bile olmadı. Amma bu qadar büyük ve kütleviy ücüm bıltırki qızdıruv mevsiminden ilk oldı", – dep yazdı o, Telegramda.