Ukraina TİN Rusiyeni Avropada işbirlik ve telükesizlik teşkilâtından çıqarmağa teklif etti. Bunı aprelniñ 8-nde Ukrayina TİN başı Dmıtro Kuleba bildirdi.
Kuleba, Rusiyeniñ "esassız tecavuzı ve canavarlığı" OSCE-niñ yaratılması içün esas olğan 1975 senesi Helsinki yekün aktınıñ esaslarını bozağanını qayd etti.
"Rusiye Fedeartsiyasınıñ OSC E-de azalığı Avropada işbirlik ve telükesizilik teşkilâtı içün havflıdır. Eger OSCE-niñ memleketelrniñ azalığını toqtatamaq içün muvafıq mehaizmleri olsama, o zaman protsedura yaratqa ve Rusiyeni çıqarmaq kerek", - dep saya TİN başı.
OSCE bu teklifni şimdilik daa izaatlamadı.
Martnıñ 31-nde OSCE-niñ Mahsus nezaret etüv missiyası, Rusiyeniñ noqta-i nazarı sebebinden mandatını uzatıp olamağanı içün Ukrayinada faaliyetini toqtatqanını haber etti.
Aprelniñ 7-nde BMT Baş Assambleyası Rusiyeniñ İnsan aqları Şurasında azalığınıñ toqtatılmasına rey berdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
