Ukrayina Tasil ve ilim nazirliginde Qırım.Aqiqatnıñ soravına cevap berip, V.İ. Tavriya adına milliy universitetiniñ ğayrıdan teşkil etilmesi planları bar olğanını tasdıqladılar. Müessisede bildirgenlerine köre, TMU-nıñ "Kıyiv-Moğıla akademiyası" Milliy universitetine qoşulması, "müessiseniñ az toluvı" ve "TMU ihtisaslarınıñ akkreditatsiyası aqqında sertifikatlarnıñ 2024-2025 seneleri" bitmesi ile bağlıdır.
''Yanvarniñ 25-nde Ukrayina tasil ve ilim naziriniñ muavini Mihail Vinnitskiy ve Tasil nazirliginiñ İhtisas aliy tasil müdirliginiñ baş müdiri Oleg Şarov, V.İ. Vernadskiy adına Tavriya milliy universitetiniñ Kıyiv-Moğıla akademiyaso Milliy universitetine qoşuluv ihtimalını muzakere ettiler. TMU köstergen problemli köstergiçler arasında: oquv yurtunıñ az toluvı, keçken yılları oquşnıñ büdjet şekline kirgen studentlerniñ sayısı bayağı azlaşqanı; 2024-2025 seneleri TMU zenaatlarnıñ akkreditatsiyası aqqında sertifikatlarnıñ soñuna kelmesi'', - dep yazıla mektüpte.
Urkayina tasil nazirligi, devlet paralarınıñ çoqusı mudafaağa masraf etilgen cenk şaraitinde, "Ukrayinada aliy tasilniñ inkişafı, demografik faktorlar ve müessiselerniñ semereliliginiñ köstergiçlerini köz ögüne alıp, aliy oquv yurtları ağınıñ musaviylemesini talap ete", dep bildirdi.
Ukrayina Tasil nazirligi qayd ete ki, Qırımtatar Milliy Meclisiniñ reisi Refat Çubarovnıñ TMU-nı ğayrıdan teşkil etüv meselesini muzakere etkende israr etken Qırım ile bağlı ilmiy işni "Kıyiv-Moğıla akademiyası" Milliy universitetiniñ bazasında "Qırım studiyaları" büyük fenlerara merkeziniñ teşkil etilmesi yolunen saqlap qalmaq mümkün.
Yanvarniñ başında ''Golos Krıma'' onlayn-mediasınıñ muarririyetinde Ukrayina Nazirler Kabinetiniñ Vernadskiy adına Tavriya milliy universitetiniñ ğayrıdan teşkil etilmesi aqqında emir leyhası peyda oldı. Neşirde derc etilgen vesiqanıñ metnine köre, Ukrayina Tasil ve ilim nazirligi TMU-ni "Kıyiv-Moğıla akademiyası" Milliy universitetine qoşıp, ğayrıdan teşkil etmege teklif ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
