Ukrayina prezidenti Volodımır Zelenskıy berilgen 90 tank içün halqara ortaqlarğa teşekkür etti. Bunı o noyabrniñ 5-nde bildirdi.
"Felemenk, ABD ve Çehiyağa emiyetli ve şimdi soñ derecede kerekli destek - 90 T-72 tankı içün minnetdarmız. Ukrayina Silâlı Quvetleri ileriley ve olarnıñ bu tehnikağa ihtiyacı bar", - dedi o.
Keçenlerde Ukrayina prezidenti ofisiniñ yolbaşçısı Andriy Yermak Ukrayina ABD-den 400 million dollarlıq yañı arbiy yardım alğanını haber etken edi.
Pentagonda keçirilgen brifing vaqtında qayd etkenleri kibi, söz Phoenix Ghost 1100 kamikadze dronları, 250 zırhlı taşıyıcısı, 40 zırhlı kater ve sovet T-72 tankları aqqındadır.
ABD Ukrayinağa er kesten çoq arbiy yardım köstergen memlekettir, fevral ayından başlap Amerika Ukrayinağa 18 million dollarlıq arbiy yardım berdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
