Müessise, Rusiye ordusı tahminen yüz "Şahednı" ve bir raketanı qullanğanını qayd etti. Bütün nişanlar ava mudafaası quvetleri tarafından urıp tüşürilgen.
Bu munasebetnen Ukrayina Tış işler nazirligi kene Rusiye territoriyasına uzaq mesafeli darbelerniñ endirilmesine sıñırlavlarnı lâğu etmege çağırdı.
"Duşman şeerlerimizge ücüm etkende, olarnı qaytarmaq yekâne çaredir. Ukrayinanıñ tek Rusiyeniñ ücümlerini qaytarmaq degil de, Rusiye Federatsiyasınıñ içindeki arbiy obyektlerge ücüm etmege de imkânı olmalı", — dep bildirdi müessise.
Ukrayina ava mudafaası quvetleri Kıyiv ava boşluğında ve uçuş noqtalarında otuzğa yaqın uçucısız uçaqnı yoq etti — bu, 2024 senesinde eñ büyük dron ücümi oldı, dep bildire Kıyiv şeeriniñ arbiy memuriyeti.
Rusiye arbiyleri çeşit silâlardan Ukrayina regionlarına muntazam surette ücüm ete. Delillerge ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümlerni red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
