Bu aqta iyünniñ 4-nde Ukraina Tış işler nazirliginiñ beyanatında aytıla.
Bundan evel Qıtay diplomatik müessisesiniñ yolbaşçısı Van İ jurnalistlerge 26 memleket Rusiye-Ukrayina cenkiniñ çezilüvi boyunca Pekinniñ baqışına qol tutqanını bildirdi. Van İ, Qıtay ve Braziliya tarafından Ukrayinadaki cenkni toqtatmaq içün tizilgen "umumiy añlaşmalarğa" qoşulmaq yollarını qıdırğanlarını ayttı.
Aynı zamanda Ukrayina Tış işler nazirligi qayd etti ki, "barışıqnı tiklemege samimiy istegeni memleketler, sammitni bozmaq içün areket etmeden, onıñ muvafaqiyetli keçirilmesi içün beraber çalışmalı".
Qayd etilgenine köre, toprağında cenk olğan Ukrayina, Rusiye tecavuzınıñ zararlı aqibetlerini tolusınen çeken taraf olaraq, barışıq nasıl olmalı olğanını belgilemek kerek.
Qıtay İsviçreniñ Bürgenştok şeerinde keçirilgen barışıq konferentsiyasında iştirak etmekten vazgeçti. Çetel işler nazirliginde Pekinge böyle qararnı sammitte Rusiye temsil etilmeycegi ile añlattılar.
Ukrayina prezidentiniñ Ofisi bergen malümatına köre, 107 memleket ve halqara teşkilât İsviçrede keçirilecek Dünya barışıq sammitinde iştirak eteceklerini tasdıqladı.
Moskva, Rusiyeniñ iştiragi olmadan Ukrayinada barışıq muzakereleriniñ manası yoq, dep bildirdi. Rusiye Tış işler nazirliginiñ vekili Mariya Zaharova dedi ki, Rusiyeniñ mevamını körmemezlikke urğan er angi areketler kerçekten ayırılğan.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
