Ukrayina sulh formulasınıñ er angi tüzetüv variantlarını muzakere etmege azır. Amma yalıñız topraq bütünligi ve devletniñ tam suverenitetine qol tutqan soylarını, dep yazdı prezident ofisiniñ başı Andriy Yermak.
"Sulh formulası Ukrayinada tınçlıqnıñ esas printsiplerini belgilese de, bütün devletler sulhnıñ esasını işlep çıqarmaqta faal iştirak etmeli. Bu printsiplerniñ amelge keçirilüvi konsensusnen idare etile bile, tüzetile bile ve tamamlana bile", — dep aytıla maqalede.
Yermak, Ukrayina istilâ qurbanı olaraq, "onıñ barlığına, öz-özüni belgilev aqqına ya da ukrayin halqınıñ insan itibarına telüke ketirgen" iç bir deñişüvni qabul etip olamay, dep qoştı.
Oktâbrniñ 9-nda Ukrayina prezidenti Volodımır Zelenskıy, noyabrde cenkniñ adaletli bitirilmesi qayd etilgen bütün şartlar ile sulhnıñ ukrayin formulası azır olacaq, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
