Avgustnıñ 14-ne keçken gecesi Ukrayina Silâlı quvetleriniñ Ava quvetleri ve Mahsus operatsiyalar quvetleriniñ bölükleri Ukrayina telükesizlik hızmeti ve Baş istihbarat idaresi ile beraberlikte Rusiye Federatsiyasınıñ Voronej, Kursk ve Nijegorodsk vilâyetlerinde dört uçaq alanına ücüm ettiler, dep bildirdi Ukrayina Silâlı quvetleriniñ Baş ştabı.
Ukrayina Silâlı quvetleriniñ Baş ştabında, "Halino", "Savasleyka", "Borisoglebsk" ve "Baltimor" arbiy ava limanları zarar körgenini qayd ettiler.
"Bu uçaq alanlarında ordu aviatsiyası, Su-34 qırıcı-bombardımancıları, Su-35 qırıcıları ve duşmannıñ diger arbiy aviatsiya tehnikası yerleşe. Esas zararlanğan obyektler yaqıt-yağlayıcı malzemelerniñ anbarları ve zararlanğan aviatsiya vastaları edi", — dep aytıla beyanatta.
Bundan evel uquq qoruyıcı organlarındaki menba Azatlıq Radiosına bildirdi ki, gece SBU ve Mudafaa quvetleriniñ uzaq uçuşlı uçaqları Rusiye arbiy ava limanlarına istilâ başlağanından berli eñ büyük ücümni yaptı.
Rusiye Mudafaa nazirligi, ava mudafaası vastaları dört taktik raketanı ve 117 uçaq tipli UAVnı yoq etti, dep bildirdi. Arbiy ava limanları aqqında bir şey aytılmadı.
Avgustnıñ 14-nde "Shemı" (Azatlıq Radiosı) tarafından çıqarılğan Planet Labs uydusı resimlerinde körüne ki, RF Voroneja vilâyetindeki Borisoglebsk uçaq alanınıñ şimal-ğarbiy qısmına dronlar urudı.
Avia ekspert Anatoliy Hrapçinskiyniñ aytqanına köre, anda uçaqlarnıñ tamiri ve hızmetinen oğraşqan tehnikiy-işlem bölügi buluna. Umumen alğanda, "Borisoglebsk" uçaq alanında RF Ava quvetleriniñ Su-25, Su-30, Su-34 ve Su-35 uçaqları yerleşe.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
