Ukrayina mudafaa quvetleri, İlk küzniñ 8-ne ve 9-na keçer gecesi işğal etilgen Aqyarnıñ Kozaça körfezinde 12150 "Mangust" leyhasınıñ hızmetli devriye katerini urğanlarını bildirdi. Ukrayina Silâlı quvetleriniñ Baş ştabında bildirgenlerine köre, ketirilgen zararnıñ derecesi daa belli degil.
12150 "Mangust" leyhasınıñ hızmetli devriye kateri, devriyecilik, deñiz rayonlarını qorçalav ve kiçik nişanlarnen küreş içün yapılğan Rusiye devriye kateridir.
Uzunlığı tahminen 20 m, eñ yüksek süratı 50 uzl qadar, ekipaj 6 insanğa qadar.
Bundan da ğayrı, Olenovkada radar istihbarat antenna kompleksi zarar kördi. Rusiye arbiyleri ücüm aqqında bir şey aytmadı.
Qırım.Aqiqat cenk şaraitinde bu malümatnı tasdıqlap olamay.