Keçken künü Ukrayin arbiyleri Qırımdaki eki Rusiye radar kompleksine ücüm etti, dep bildire Ukrayina Silâlı quvetleriniñ matbuat hızmeti içtimaiy ağlardaki saifelerinde.
Berilgen malümatqa köre, söz Keriç rayonındaki "Nebo" radar stansiyası ve "Skala-M" radar kompleksi aqqındadır.
"Soñki künde askerlerimiz Lugansk vilâyetiniñ Novoğanovka rayonında işğalcilerniñ maddiy-tehnikiy vastalar anbarını, Donetsk vilâyetiniñ Tsukurino civarındaki bölükniñ komandanlıq noqtasını ve vaqtınca işğal etilgen Ukrayina Qırımınıñ Kerçi rayonında "Nebo" radar stansiyasını ve "Skala-M" radar kompleksini muvafaqiyetnen urdı", — dep aytıla haberde.
Ukraina Silâlı quvetleriniñ Baş ştabı bu beyanatnı tasdıqlamadı. Rusiye arbiyleri ise bu haberni ve zararlarnı izaatlamadı.
Hatırlatamız, İlk yaznıñ 25-ne keçer gecesi Qırım ve Aqyar kene uçucısız uçaqlarnıñ ücümine oğradı.