Rusiye arbiyleri İlk yaznıñ 1-ne keçer gecesi Ukrayinağa 265 arbiy uçucısız uçaqnen ücüm etti, dep bildirdi Ukrayina Arbiy-ava quvetleri.
Ukrayina arbiyleriniñ malümatına köre, drolar Rusiyedeki Brânsk, Kursk, Millerovo, Orel, Primorsk-Ahtarsk ve işğal etilgen Qırımnıñ Sarabuz qasabasından uçurıldı.
İlk malümatqa köre, saat 08:00-ga qadar ava mudafaası tarafından memleketniñ şimalinde, cenübinde ve şarqında 228 duşmannıñ Shahed, Gerbera, Italmas ve diger dronları tüşürildi, denile beyanatta.
Ukrayina arbiyleriniñ malümatına köre, 18 yerge 27 ücüm dronu uruldı, 12 yerde ise parçalar tüşti.
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.