Link açıqlığı

Saatnıñ esas haberi

Reznikov: Ukrayına Silâlı quvetleriniñ cebede köstergen muvafaqiyeti sayesinde Ğarp cenkten «boldurmadı»


Oleksiy Reznikov

Ukrayına Mudafaa naziri Oleksiy Reznikov Ukrayına Silâlı quvetleriniñ cebede köstergen muvafaqiyeti sayesinde «Ğarp cenkten boldurmadı», dep bildirdi.

«Yoq (ğarbiy ortaqlar Ukrayınanıñ ricalarından yorulmadı – QA), hususan yazda çoq aytqan edi. Dostane memleketlerimizniñ mudafaa nazirlerinen subetleşken edim. «Bolduruv sindromından» qorqqan edim. Başta eali, yerli media yorulır, olar ise siyasetçilerge tesir eter, yardım eksilir, dep tüşüngen edim. Başta üç künden soñ Kyivni, eki aftadan bütün Ukrayınanı teslim etermiz, dep tüşündiler, amma olmadı, cebede muvafaqiyet kösteremiz. Kyiv, Çernığiv, Sumı vilâyetlerinden quvdıq. «Moskva» kreyseri, Zmiyınıy Adası, Harkiv, Lugansk, herson vilâyetleri», – dep tarif etti o, Ukrayına umummilliy telemarafonında.

Onıñ aytqanına köre, bugün ortaqlar «bu ğalebede ortaq olmağa» «pek istey».

«Bizge qoltutalar, er körüşüvde aytalar: «Oleksiy, ğururlanamız, bizge ilham beresiñiz, bu cenk soñuna qadar, ğalebeñizge qadar yanıñızda olacaqmız, bir şeyge baqmadan». Böyle qarar aldılar. Ve eñ esası – bu memleketlerniñ ealisi ükümetlerniñ bu qararlarına qoltuta», – dep qoştı Ukrayına naziri.

Ğarbiy ortaqlar, hususan ABD, AB ve G7 memleketleri Ukrayınağa onıñ Rusiye istilâsına qarşı tirenüvinde qoltuta. Meselâ, ABD prezidenti Joe Bidenniñ memuriyeti Kyivge 20 milliard dollarlıq arbiy yardım etti, daa tahminen 10 milliard gumanitar yardımğa ve tahminen 13 milliard iqtisadiyatqa berildi. Bundan ğayrı, Biden ABD Kongressini Ukrayınanıñ qoşma maliye etilüvine 37,7 mlrd dollar bermege çağırdı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG