İyünniñ 19-na keçer gecesi Ukrayına ava mudafaasınıñ quvetleri dört «Kalibr» raketasını ve dört «Şahed» uçucısızını yoq etti, dep bildirdi Ukrayına Silâlı quvetleriniñ Ava quvetleri komandanlığı.
«Gece duşman cenübiy ve şarqiy yönelişlerde dört «Kalibr» qanatlı raketasınen ve İrannıñ Shahed-136/131 dronlarınen darbe endirdi. Qanatlı raketalar Qara deñizdeki suvastı gemisinden, «Şahedler» Azaq deñiziniñ şarqiy yalısından uçurıldı. Sekiz nişan ava mudafaasınıñ yoq etildi», – dep bildirdi arbiyler.
Odesa vilâyetiniñ arbiy memuriyeti Ukrayına ava mudafaa quvetleri Rusiyeniñ gece vilâyetke qarşı uçurğan dört «Kalibr» raketasını yoq etti, Dnipropetrovsk vilâyetinde ise dört dron yoq etildi, dep haber etildi.
Amerikanıñ Cenkni tedqiq etüv institutı qayd etkenine köre, Rusiye ordusı bütün Ukrayınağa qarşı darbelerni faalleştirdi, hususan Ukrayınanıñ qarşı ücüm operatsiyalarını keçirüv imkânlarını eksiltmek içün cebe arqasındaki rayonlarda.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
