Rusiye ordusı çeşit usullarnı qullanıp, mudafaa inşaatlarını faal sürette qurmağa devam ete, dep bildirdi Ukrayına cenübi Mudafaa quvetleriniñ Birleşken koordinatsion matbuat hızmetiniñ reberi Natalâ Ğumenük «Donbas.Realii Radiosı» yayınında.
«Çöller mayın patlayıcılarnen toldurıldı, tarlalarğa mayınlar qoyuldı. Ve pek inanğan «ajderha tişlerinen», bizni kimse toqtatıp olamaz. Rekord qoyulğan okoplar, 70 kilometrli okop. Olarnı bu da qurtaramaz, amma topraqqa alışsınlar», – dep izaatladı Ğumenük.
Onıñ aytqanına köre, Rusiye Federatsiyası ordusınıñ bir qaç mudafaa yolu bar, amma Ukrayına tarafında olğan malümat tarqatılmay.
«Duşman azırlağan (mudafaa inşaatlarınıñ – QA) sayısını tek arbiy komandanlıq bilmeli, buña kerekli cevap bermeli. Duşmannıñ qaç mudafaa yolunı bilgenimizni aytsaq, taktikasını deñiştire bile. Bu bizge kelişe. Qurğan bütün şeyleri olarğa kerek olsun, dep bekleymiz», – dep qoştı Natalâ Ğumenük.
Mariupol şeer yolbaşçısınıñ mesleatçısı Petro Andryuşçenko işğal altındaki Mariupolde Rusiye işğalcileri «ajderha tişleriniñ» sayısını arttırıp, beton zavodlarında olarnıñ yapılmasını başlattı.
Uydu resimleri Qırımnıñ şimalinde «Ermeni Bazar» ve Perekop Rusiye keçiş noqtaları rayonında çift oko yolağı bar, dep köstere. Uydu fotoresimleri E-105 yolunıñ eki tarafında da ve Sivaş gölü yanında yañı fortifikatsion inşaatlarnı kösterdi.
Ukrayına Silâlı quvetleriniñ Baş ştabı malümatına köre, Ukrayına ile sıñırdaki Kursk ve Belgorod vilâyetlerinde Rusiye ordusı müendislik donatmalarını yapmağa devam ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
