«Geolokatsion resimler Ukrayına quvetleriniñ Verboveden (Zaporijjâ vilâyetiniñ ğarbinde Rabotineden şarqtan 10 km) ğarpqa, Herson vilâyetiniñ şarqiy tarafından Pidstepne yaqınlarında (Hersondan şarqqa doğru 12 km ve Dnipro özeninden 3 km) ve Krınkı (Hersonnıñ şarqından 30 km ve Dnipro özeninden 2 km) sıñırlı bir şekilde (biraz) ileriledi», – dep aytıla İnstitutnıñ esabatında.
ISW, Ukrayına ordusı Bahmut yaqınlarında ücüm etmege devam ete ve Zaporijjâ vilâyetiniñ ğarbinde ve Herson vilâyetiniñ şarqiy (sol) tarafında muvafaqiyetli oldı.
Cenkni tedqiq etüv institutınıñ esabatlarından birinde eki Ukrayına deñiz piyade brigadasınıñ bölükleri oktâbrniñ 17-18-nde Dnipro özeninden keçti ve Herson vilâyetindeki özenniñ sol yalısında toqtadı. Bundan soñ arbiyleri «bunı aytmağa erte», «bir de bir mesken yer etrafından iş pekitilmese, bitirilgen sayılmay», dep qayd etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
