Kuzmin bu rayonda mayın qoyulğanını ve qoralar olğanını, em de Rusiye ordusı büyük sayıda bar, dep qayd etti: «bir metr kârede olarnıñ sayısı mayınlarnıñ sayısından az değil».
«Biz işğalcilerniñ ilk yoluna kirdik, ilk yol pek qıyın, amma arbiylerimiz basa. İlerileymiz, amma bu areketni mayın qoraları ve yetmegen aviatsiya yavaşlata», – dedi o.
Kuzmin aytqanına köre, Rusiye bu yönelişte bir künde 13 kere aviatsiya qullandı ve bu «bir kün evelsi olğanından daa çoq».
Kuzmin Tavrik yönelişte mudafaa quvetleriniñ ilerilevini yetmegen aviatsiya ve ava mudafaa vastaları, em de Rusiye top atışları yavaşlata, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.