Ukrayina Silâlı quvetleriniñ Pilotsız sistemaları quvetleriniñ komandanı Robert Brovdi, Qara deñizde "Süt" SBS ameliyatı çerçivesinde Rusiye Federatsiyasınıñ kölge flotunıñ daa 13 birligi zarar körgenini bildirdi. Onıñ aytqanına köre, Azaq deñizi ve Keriç boğaz "tura", areket blok etilgen.
Umumen, Oraqnıñ 6-ndan İlk küzniñ 8-ne qadar ameliyat başlağanından berli, SBS Rusiye Federatsiyasınıñ kölge flotunıñ 282 gemisiniñ zarar körgenini bildire.
İlk küzniñ 9-na keçer gecesi, dep iddia ete Brovdi, Ukrayina mudafaa quvetleri Novorossiyskteki Rusiye arbiy-deñiz bazasına kompleks darbe endirgenler. Onıñ malümatına köre, anda bir sıra arbiy gemi, şu cümleden raketa taşıyıcıları yoq etildi.
Bildirilgen zararlarnıñ mustaqil tasdıqı yoq. Rusiye Mudafaa nazirliginiñ tefsirleri şimdilik yoq. Keriç boğazı işğal etilgen Qırımnıñ esas teminlev marşrutı olıp qala.