Halqara ortaqlar Kıyivni Orta küzniñ 19-na keçer gecesi Rusiye ballistik raketalarınıñ ekinci ücümü aqqında tenbilediler, amma birinci ücüm aqqında yoq. Bunı telemarafon efirinde Ukrayina SQ Ava quvetleriniñ spikeri Yuriy İğnat bildirdi.
Onıñ qayd etkenine köre, eki ballistik darbe oldı: saat 23:00 ve gece saat 3-te.
"İskander-M" ballistik raketaları veS-400, mütehassıslar raketanıñ tam olaraq qaysı çeşit olğanını belgileycek. Haber berüv aqqında aytsaq, evelki ücümlerde olğanı kibi. Ortaqlardan malümat birinci sefer kelmedi, amma ekinci sefer keldi", — dedi o.
Spikerniñ qayd etkenine köre, Ukrayinanıñ ballistik raketalar aqqında öz malümat menbaları bar:
"Mümkün olğanı qadar közetilgen radar alanı bar. Balistika uçqanı aqqında malümat bar, biz de resmiy menbalarımızda balistikadan telüke bar olğanını bildşrdik, ve bir daqqa soñra balistika uçqanı belli oldı", — dep qayd etti Ukrayina Silâlı quvetleriniñ spikeri.
Onıñ aytqanına köre, Ukrayin ekspertleri ortaqlarınen beraberlikte vaziyetni ögreneler, çünki "böyle bir şey ilk sefer degil".
Evel Azatlıq Radiosınıñ menbaları Kıyiv Orta küzniñ 19-na keçer gecesi Rusiye ballistik raketalarınıñ uçurılğanı aqqında haberdar etilmegenini bildirgen edi.
Paytahtqa ücüm vaqtında bir insan elâk oldı, yaralanğanlar bar. Kıyiv vilâyetinde zarar körgenler ve ğayıp olğanlar bar.
Orta küzniñ 13-nde prezident Volodımır Zelenskıy Ukrayina ortaqları Orta küzniñ 12-nde aqşam Kıyivge Rusiye ballistikasınıñ atıluvı aqqında habe bermegenini bildirgen edi.