Yanvarniñ 2-nde Ukrayina Silâlı quvetleri Rusiyeniñ Kursk vilâyetindeki Maryino meskün yerinde Rusiye ordusınıñ komandanlıq noqtasına "yüksek dereceli darbe" endirdi, dep bildirdi Ukrayina Silâlı quvetleriniñ Baş ştabı.
"Bu atışlar, ilk evelâ, Rusiye Federatsiyasınıñ Ukrayina vatandaşlarına qarşı terroristik areketlerni yapmaq istek ve qabiliyetini zayıflatmaq içün yapıldı", dep qayd ettiler Ukrayina Baş ştabında ve "yerli vatandaşlarnıñ ayatına telükeni azlaştırmaq içün bütün kerekli tedbirler alındı", dep qoştılar.
Rusiye Mudafaa nazirligi bu haberni şimdilik izaatlamadı.
Ukrayina Silâlı quvetleri avgustnıñ 6-nda Kursk vilâyetinde 1 biñ kvadrat kilometrden ziyade yerni zapt etip, operatsiyanı başladı. Soñra Rusiye ordusı KNDR ordularınıñ yardımı ile topraqnıñ bir qısmını qaytarıp aldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
