Ukrayina Silâlı Quvetleriniñ Baş ştabı RF ordusınıñ Uglegorsk İssilik elektrostantsiyasında "qısmiy muvafaqiyeti" aqqında bildirdi
"Duşman Soledar, Pokrovsk, Nyü-Yorkqa ve Ugregorsk İES-nıñ meydanına avadan derbeler endirdi. Klinovo - Pokrovskoye ve Vladimirovka - Pokrovskoye yönelişlerinde ücüm etti, ğayıplarğa oğradı ve keri çekildi. Ugregorsk İES civarında duşmannıñ ayrı bölükleriniñ qısmiy muvafaqiyeti bar", - dep yazıla bilidrmede.
Saba USQ Baş ştabı Rusiye ordusı Soledar, Pokrovskqa ve Uglegorsk İES meydanına avadan darbeler endirgeni haber etilgen edi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kıyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
