"Kursk vilâyetinde Ukrayina Mudafaa quvetleriniñ bölükleri keçken künü rusiyeli işğalcilerniñ 94 ücümini toqtatqan. Bundan da ğayrı, duşman doquz idare etilgen bomba qullanıp, doquz ava darbesini ve ordumız ve mesken yerlerimizge qarşı 372 top ateşini endirdi", — dep yazıla beyanatta.
Ukrayina Silâlı quvetleri Baş ştabınıñ malümatına köre, Pokrovsk yönelişinde ukrayin arbiyleri Mirolübovka, Luç, Suhıy Yar, Pesçane, Kotlino, Ukrayinka, Yasenov, Novoyelizavetovka, Tarasovka, Yelizavetovka, Lisovka, Zelene, Novıy Trud ve Pokrovsk rayonlarında Rusiye ordusınıñ 41 ücüm ve ücüm areketini toqtattı.
"Kurahov yönelişinde Mudafaa quvetleri, Slavâanka, Serebrâno, Andreyevka, Petropavlovka, Kurahov ve Daçnıy yaqınlarında ordumıznıñ noqtalarına 26 ücümini toqtattı", — dep tarif etti arbiyler.
RF ordusı Harkiv, Kupân, Liman, Sever, Kramator, Toretsk, Vrem, Orehov ve Dnipro yanındaki yönelişlerde de ücüm etti.
Amerikanıñ Cenkni ögrenüv institutınıñ yanvarniñ 6-nda çıqqan maruzasında, Kursk vilâyetinde ukrayin ücüm tedbirleriniñ quvetleştirilüvi, Ukrayinanıñ Kursk vilâyetinde ya da cebedeki diger yerlerde muzakere etilgen operatsiyasınıñ başlanğıç basamağı ola bile, dep aytıla, lâkin ISW belli bir tahmin bermege azır degil.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
