Rusiye arbiyleri İlk yaznıñ 19-na keçer gecesi Ukrayinağa 90 uçucısız uçaq ile ücüm etti, olarnıñ bir qısmı işğal etilgen Qırımnıñ Sarabuz rayonından uçurıldı, dep haber ete Ukrayina Silâlı quvetleri.
İlk malümatqa köre, saat 08:30-ge qadar ava mudafaası 79 duşman dronunı urıp tüşürdi, memleketniñ şimalinde, cenübinde ve şarqında "Shahed", "Gerbera", "İtalmas", "Banderol" ve diger tiplerdeki uçaqlar urılıp tüşürdi", — dep aytıla haberde.
Ukrayina Silâlı quvetleriniñ ava quvetleriniñ malümatına köre, sekiz yerge doquz ücüm dronı udı, daa sekiz yerde parçalar tüşti.
Rusiye arbiyleri ücümni şimdilik izaatlamadı.
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.