Ukrayina Silâlı Quvetlerinde Qırımda yüz berge patlalavlarnı izaatladılar.
"Ukrayina Mudafaa quvetleri vaqtınca işğal etilgen Büyük Onlarda (Qırımnıñ Qurman rayonı) Rusiye ordusınıñ neft bazasını ve anbarlarını yoq etti", - dep bildirdiler Ukrayina ordusında.
Evel Qırımnıñ işğal yolbaşısı Sergey Aksönov pilotsız uçaqnıñ ücümi neticesinde arbiy yedekler anbarında patlav yüz berdi, dep bildirdi.
Daa evel Telegram kanalları pilotsız uçaqlar Rusiye arbiy bazasına ücüm etmesi aqqında yaza. "Oktâbrskoye" arbiy uçaq bazası da aynı şu rayonda buluna.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
