"Saba saat yedide Ukrayina Silâlı Quvetleri vaqtınca işğal etilgen Melitopolniñ yaqınlarındaki işğalcilerniñ ştabına muvafaqiyetli bir darbe endirdiler", - dep yazıla bildirmede.
Bunda evel bugün şeer başı İvan Fedorov yerli sakinlerge atıf eterek işğal etilgen Melitopolde eñ az beş patlav eşitilgeni aqqında bildirdi. Onıñ malümatına köre, pek sesli "Avtotsvetlit" zavodı civarında edi.
Arbiy areketlerni ve Rusiye tarafından Ukrayina topraqlarınıñ cenübiy qısımlarınıñ işğalini köz ögüne alaraq, muarririyet bu malümatnı teşkerip olamay.
Zaporijjâ vilâyetiniñ Melitopol şeeri Rusiyeniñ tam istilâsı başlağanda işğal etildi. Azatlıq Radiosınıñ Rus hızmeti Ukrayına ve Rusiye menbalarına esaslanıp, Rusiye Hersondan çekilgen soñ cenübiy cebe komandanlığını Melitopolge avuştırdı, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
