Ukrayina silâlı quvetleri Rusiyeniñ işğal etken Yañı Kahovka şeerine darbe endirdi. Bunı Herson vilâyetiniñ arbiy memuriyetiniñ reis mesleatçısı Sergey Hlan haber etti.
İçtimaiy ağlarda küçlü patlavnıñ videosı yayınlandılar.
Ukrayina haber vastaları Odesa memuriyetiniñ spikerine atfı etip, darbe Rusiyeniñ arbiy yedekler anbarlarına endirildi.
Öz nevbetinde TASS ve "RİA Novosti" Rusiye agentlikleriniñ menbalarınıñ haber etkenine köre, selitra ile tolu anbarlarğa ücüm etilgeni, Kahovka GES zarar körmegen.
Yañı Kahovka Herson vilâyetiniñ rayon merkezi. Fervlniñ 24-nde Rusiye ordusı taarfından işğal etildi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
