Ukrayina Mudafaa quvetleri tünevin Ukrayina Mudafaa nazirliginiñ "Cenüp" operativ komandanlığınıñ mesüliyeti mıntaqasında rusiye ordusına qarşı 7 kere avadan darbe endirilgen, dep haber ete matbuat hızmeti.
Ukrayina Silâlı Quvetleriniñ memleketniñ cenübindeki raketa ve top bölügi tahminen 110 ateş missiyasını yerine ketirgen.
"Duşman şularnı ğayıp etti - arbiyler, "Msta-S" tipli özyürer top sistemaları, mina topuları, zırhlı araba ve tank, piyadelerniñ arbiy arabaları ve diger avtomobil tehnikası zarar kördi. Borozenskiy rayonında duşmannıñ nezaret etüv noqtası yoq etilgen. Eki arbiy yedekler anbarı patlatılğan. Qalğan malümat alına", - dep haber etile.
Aarbiy areketler sebebinden bu malümatnı teşkermek imkân yoq.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
