"Duşman Rusiyeniñ Voronej vilâyetinden Kıyiv vilâyetine dört İskander-M/KN-23 ballistik raketasınen, Azaq deñiziniñ ava boşluğından eki X-59 idare etici aviatsiya raketasınen ve Çauda burnu (Qırım), Kursk (Rusiye Federatsiyası) yönelişlerinde 16 "Şahed" tipli dron ile ücüm etti", — dep bildirdi Ukrayina Ava quvetleriniñ komandanı general-leytenant Mıkola Oleşçuk.
Neticede eki İskander-M/KN-23 ballistik raketi, eki X-59 idare etici aviatsiya raketi ve 15 darbelli dron Kıyiv, Herson, Mıkolayiv ve Hmelnitsk vilâyetlerinde urıp tüşürildi, dep aytıla haberde.
Kıyiv vilâyetiniñ arbiy memuriyetiniñ yolbaşçısı Ruslan Kravçenkonıñ malümatına köre, saat 8:00-da aşağıdaki zararlar qayd etildi:
- çoq qatlı evniñ birinci ve ekinci qatlarındaki pencereler qırıldı, anda yaşamaq imkânsız;
- eki yaqıt stantsiyasında pencereler qırıldı ve fasadları kesildi;
- çoq qatlı ofis binasınıñ qapuları, pencereleri qırıldı.
«Попадания в объекты жилой и критической инфраструктуры не допущены. Пострадавших нет», – заверил Кравченко.
"Yaşayış ve kritik infrastruktura obyektlerine ücümlerge yol berilmey. Zarar körgenler yoq", — dep işandıra Kravçenko.
Kıyiv şeer yolbaşçısı Vitaliy Kliçkonıñ bildirgenine köre, Ukrayina paytahtınıñ Desnânsk rayonında yıqılğan parçalar neticesinde avtopark zarar kördi. Zarar körgenler yoq.
Avgustnıñ 5-nde aqşam Ukrayinanıñ bir sıra vilâyetinde Kıyiv ve Poltava vilâyetleri yönelişinde ücüm etken dron ve "suratlı nişanlar" telükesi sebebinden ava telükesi ilân etildi. Kıyivde küçlü patlavlar oldı.
Rusiye arbiyleri çeşit silâ çeşitleri ile muntazam sürette ukrayin regionlarına ücüm ete. Delillerge ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümlerni red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
