Ukrayina Silâlı Quvetleri dekabrniñ 6-nda gece Rusiye ordusı 48 Shahed ile ücüm etkenini haber etti.
Ukrayinalı arbiylerniñ malümatına köre, dronlar işğal etilgen Qırım ve Kursk vilâyetinden uçurtılğan, ava mudafaa quvetleri 41 dron urıp tüşürgen.
Jıtomır vilâyetiniñ başı Vitaliy Bunenko ava mudafaa quvetleri vilâyetniñ üzerinde pilotsız uçaq urıp tüşürgenini bildirdi. Dron parçalırınıñ tüşmesi neticesinde dağıluvlar ya da zarar körgenler yoq eken.
Dekabrniñ 4-nde aqşam ve dekabrniñ 5-nde gece Rusiye ordusı Ukrayinğa S-300 ve Shahed pilotsız uçaqları ile ücüm etti. Yerli başlıqlar Lviv, Harkiv, Herson ve Donetsk vilâyetlerinde patlavlar aqqında haber etti.
Lviv vilâyetinde üç Shahed infraterkip obyektine urğan. Ücüm neticesinde yanğın çıqqan, amma onı tez söndürgenler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
