Ukrayina arbiyleri, Rusiyege qarşı gece Ukrayinağa ücüm etken 42 uçucısız uçaqnı urıp tüşürdi, dep bildire Ukrayina Silâlı quvetleriniñ Ava quvetleri.
Saat 08:30 memleketniñ şimalinde, şarqında ve merkezinde dron urıp tüşürilgeni tasdıqlandı. Daa 22 Rusiye uçucısız uçaq-imitatorı lokatsiyada ğayıp oldı (neqativ aqibetleri olmadı).
Ukrayina Arbiy-deñiz quvetleriniñ ava quvetleriniñ malümatına köre, çeçek ayınıñ 4-ne keçken gecesi duşman 78 "Şahed" tipli dron ve çeşit pilotsız uçaqlarnen ücüm etti: Brânsk, Millerovo, Primorsk-Ahtarsk, Kursk — RF.
Rusiye ücüminiñ neticesinde Harkivşçına, Dnipropetrovşçına, Kıyivşçına ve Zaporojjâ zarar kördi.
Rusiye arbiyleri Ukrayina regionlarına çeşit silâlarnen muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminatı obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd eteler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
