Ukrayina "DNR" ve "LNR" silâlı müfrezeleriniñ "mustaqilligini" tanığanı içün KNDR ile diplomatik alâqanı kese. Bunıñ aqqında Facebookta Ukrayina TİN matbuat kâtibi Oleg Nikolenko haber etti.
"Bu qararnı Phenyannıñ Ukrayinanıñ suvereniteti ve topraq bütünligini bozmaq ıntıluvı Ukrayina Anayasasınıñ, BMT Nizamnamesiniñ ve halqara uquqnıñ esas qaide ve printsipleriniñ qaba şekilde bozulması kibi qıymetlendirile. Şimaliy Koreya rejimi tarafından Donetsk ve Lugansk vilâyetlerindeki Rusiye işğalci rejiminiñ "subektivligi"niñ tanıması emiyetsizdir, uququqiy neticeler bermeycek ve dünya tarafından tanılğan Ukrayina sıñırlarını deñiştirmeycek", - dep yazıla bildirmede.
Ukrayina TİN qayd etkenleri kibi, KNDR ile siyasiy ve iqtisadiy alâqalar bu memleketke qarşı qoyulğan halqara sanktsiyalar sebebinden ömürge keçmey.
Ukrayina TİN yolbaşçısı Dmıtro Kuleba, Rusiyeniñ dünyada oña maliy ve siyasiy ceetten bağlı olğan memleketlerden ğayrı başqaları qalmağanını, RF inflâtsiya seviyesi ise KNDR-niñ seviyesine yetecegini bildirdi.
Dünyanıñ eñ qapalı ve serbest olmağan memleketlerden biri sayılır. O, Rusiye ve Suriyeden soñ "DNR" ve "LNR" rejimlerini tanığan üçünci memlekettir.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
