Avgustnıñ 19-na keçer gecesi Rusiye ordusı 11 Shahed uçucısızınen Ukrayinağa ücüm etti, dep bildirdi Ukrayina Silâlı quvetleriniñ ava küçleriniñ komandanı general-leytenant Mıkola Oleşçuk.
«Ava uruşı neticesinde Ukrayina silâlı quvetleri Ava küçleriniñ mobil ateş gruppaları, zenit raketa bölükleri, aviatsiya ve radioelektron küreş vastalarınen Mıkolayıv, Çerkası, Vinnıtsâ, Kyiv, Dnipropetrovsk, Harkiv, Sumı ve Donetsk vilâyetlerinde duşmannıñ bütün uçucısızları urıp tüşürildi», – dep aytıla haberde.
Tünevin Rusiye Federatsiyasınıñ quvetleri Ukrayinağa 16 raketa ve darbe dronlarınen ücüm etti. Ukrayina arbiyleri Kyiv, Sumı ve Poltava vilâyetlerinde eki KN-23 ballistika raketası, üç qanatlı raketa ve sekiz «Şahedni» urdı. Tüşürilmegen raketalar ise maqsadına irişemedi, dep bildirdi Ukrayina Silâlı quvetleri.
Rusiye arbiyleri Ukrayina regionlarına çeşit silâlardan muntazam surette ücüm ete. Delil ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümlerni red ete.
Avgustnıñ 4-nde Ukrayina silâlı quvetleriniñ Ava küçleri eki buçuq yıl içinde sekiz biñden çoq Rusiye ava nişanı yoq etildi, dep bildirdi.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayeti olaraq tasnif etip, belli maqsadları bar, dep qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
