Fevralniñ 5-ne keçer gecesi Rusiye arbiyleri Ukrayinağa işğal etilgen Qırımdan "İskander-M" eki ballistik raketasınen ve Rusiyeniñ beş yönelişinden ve işğal etilgen Donetskten Shahed, "Gerber", "İtalmas" ve diger uçucısızlar olğan 183 darbe dronınen ücüm etti, dep bildirdi Ukrayina Silâlı quvetleriniñ Ava küçleri. Bu malümatqa köre, bu dronlardan tahminen 110-ı "Şahed" edi.
"İlk malümatqa köre, saat 08:00-ge qadar ava mudafaası 156 darbe uçucısızını urdı ya da bastırdı. 16 yerde ballistik raketalar ve 22 darbe uçucısızınıñ ücümi qayd etildi, yedi yerde ise parçaları tüşti", – dep aytıla haberde.
Rusiye Federatsiyasınıñ Mudafaa nazirligi bu darbelerni şimdilik izaatlamadı.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.