Ukrayina askerleri 46 ücümci uçucısıznı urıp tüşürdi. «Bundan ğayrı, Ukrayina Mudafaa Quvetleriniñ elektron cenk sistemalarından faal qarşılıq kösterüv sebebinden beş uçucısız yerinde ğayıp oldı, duşmannıñ daa bir ücüm dronı Rusiyege uçtı. Bundan da ğayrı, qarşı areket neticesinde idare etilgen uçaq raketalar duşman istegen nişanlarğa yetmey ediler. Köy hocalığı tehnikasına zarar keldi, amma iç bir qurban ve yaralanuv olmadı», — dep qayd etile haberde.
Ukrayinanıñ ava mudafaası Mıkolayıv, Herson, Çerkası, Kirovograd, Kyiv, Vinnıtsâ, Sumı ve Poltava vilâyetlerinde çalıştı, dep qoştı Ukrayina Silâlı quvetleri.
Bu arada Kirovograd vilâyetiniñ arbiy idare yolbaşçısı Andriy Raykoviç Kropivnitskiyde sentâbrniñ 18-i gecesi Rusiye ücümi sebebinden bir qaç mesken bina zarar kördi ve bir adam elâk oldı, dep bildirdi.
Onıñ aytqanına köre, 90 yaşında qadın da yengil yaralanğan, o, yardım aldı ve hastahanege yerleştirilmege muhtac degil.
Sumı vilâyetiniñ arbiy idaresi sentâbrniñ 18-ne keçer gecesi Rusiye askerleri Sumı şeerindeki energetika obyektlerine «Şahed» tipli dronlar qullanıp, avadan ücüm yapqanlarını bildirdi.
Rusiye arbiyleri Ukrayina regionlarına çeşit silâlardan muntazam surette ücüm ete. Delil ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümlerni red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayeti olaraq tasnif etip, belli maqsadları bar, dep qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
