Ukrayına arbiy uçaqları Herson vilâyetindeki Rusiye ordusınıñ mevzilerine bir sıra muvafaqiyetli darbe endirdi, dep haber ete «Yug» Ukrayına operativ komandanlığı.
«Arbiyler, tehnika, Daryıvka rayonında ponton keçiti ve Nova Kahovka rayonındaki köpür ateş kontroliniñ küçüni is etti. İşğalciler, T-80 tankları, desantnıñ uruş maşinası ve «Pion» 203 kalibrli toplarınıñ yoq etilgeni tasdıqlandı», – dep qayd etti Ukrayına arbiyleri.
Sentâbrniñ 7-nde «Yug» operativ komandanlığı bildirgenine köre, Ukrayına silâlı quvetleri Rusiyeniñ arbiy tehnikası olğan barjanı yoq etti.
Faal uruşlar şaraitlerinde zıddiyet taraflarınıñ malümatını operativ şekilde teşkermege imkân yoq.
Rusiye fevralniñ 24-nde Ukrayınağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayınadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayınanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayınanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
