Rusiye prezidenti Vladimir Putinniñ matbuat kâtibi Dmitriy Peskov ABD vastasınen Rusiye ve Ukrayina muzakere esnasında "pauza" aqqında bildirdi, dep yaza "İzvestiya".
"Üç taraflı gruppa – pauzada", – dedi Peskov ve Rusiye-Amerika iş gruppasınıñ iqtisadiy meselelernen oğraşqan işi devam ete, dep qoştı. Peskov Moskva Kyivnen esir deñişüvi ve elâk olğan arbiylerniñ cesedlerini almaşuv meselelerde bağda qalmağa devam ete, dep qayd etti.
Rusiye, Ukrayina ve ABD arasında üç taraflı muzakerelerniñ soñki raundı fevralniñ 17-18-nde Jenevada keçti. Taraflar martnıñ başında Abu-Dabide körüşmek kerek ediler, amma neticede mesleatlar başqa vaqıtqa qaldı. Ukrayina prezidenti Volodımır Zelenskıy bu qarar ABD ve İsrailniñ İranğa qarşı fevralniñ 28-nde başlatqan arbiy operatsiyası sebebinden Amerika tarafınıñ teşebbüsinen alındı, dep qayd etti.
Bu afta Volodımır Zelenskıy muzakerelernen bağlı "yaramay isleri" bar, dep bildirdi. Sebep olaraq Yaqın Şarqtaki cenkni ayttı. Ukrayinadaki barışıq muzakereleri er vaqıt başqa künge qaldırıldı, ve tek bir sebebi bar – İrandaki cenk, dedi Zelenskıy. Onıñ qayd etkenine köre, al-azırda muzakere gruppaları özara subetleşmege devam ete – ABD vekilleri em Ukrayina, em Rusiye tarafınen laf ete.