Rusiye esirliginden qırımtatar, "Azovstal" ekimi Asan İsenaciyev azat etildi. Bunı Ukrayina prezidentiniñ Qırım MC-deki daimiy temsilcisi Tamila Taşeva haber etti.
"Cesür ukrayin askeri, tamır qırımtatar halqınıñ temsilcisi, "Azovstal" ekimi Asan İsenaciyev duşmannıñ esirliginden azat etildi. Büyük istilânıñ ilk künlerinden başlap o vatandaşlarımıznı qurtardı", – dep yazdı o.
Bugün yañı yıl arfesinde daa bir esir deñişüvi olıp keçti. Ukrayina Rusiye esirliginden 140 adamnı azat etti.
Ukrayina Mudafaa nazirliginiñ Baş istihbarat idaresiniñ yolbaşçısı Kırılo Budanov dekabrniñ 30 itibarınen ukrayin tarafı esirlikten 1456 arbiyni azat etkenini haber etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
