Ukrayina Rusiye esirliginden 5857 insannı qaytardı, daa 555 insan deñişüvden tış azatlıqqa çıqtı. Bu aqta iyulniñ 28-nde Ukrayina prezidenti Volodımır Zelenskıy haber etti.
«Büyük cenk başlağanından berli esirlikten 5 biñ 857 insan sağ qaytarıldı. Deñişüvlerden tış – 555 insan», – dep aytıla devlet yolbaşçısınıñ içtimaiy ağlardaki saifesinde.
Zelenskıy haber etkenine köre, Kyiv ve Moskva arasında İstanbul añlaşmaları çerçivesinde biñden ziyade Ukrayina arbiyi azat etildi.
«Şimdi Rusiye tarafından tutulğan vatandaşlarnı da azat etmege ümüt etemiz. Deñişüvlerni devam ettirmek, er bir soyadı boyunca vaziyetni teşkermek müim», – dep qayd etti o.
İyünniñ 2-nde Ukrayina ve Rusiye eyyetleri İstanbulda yañı esir deñişüvleri aqqında añlaştılar. Ukrayina eyyetiniñ başı Rustem Umerov raqamlarğa degil, bazı kategoriyalarğa emiyet bermege añlaşıldı: «bütün» ağır yaralanğan ve ağır hasta arbiylerni almaştırmaq, ekinci kategoriya – 18 yaşından 25 yaşına qadar yaş askerlerni. Elâk olğan 6000 askerniñ cesedini qaytarmağa da añlaştılar.
